اتربينا غلط يا شباب

*-اتربينا على انك تكسر للبنت ضلع اللي سيدنا النبى قال عليها "رفقا بالقوارير"-اتربينا على ان الرجل يزعق براحته في مراته ويضرب ونفكتر " إذا كان السجود لغير الله لأمرت الزوجة أن تسجد لزوجها" اتحدى ان حد يعرف  المقصود بالكلمة دي ايه اصلا.الكل اخد الكلمة من بره وبيرددها زي البغبغان وفهمها زي ما هو عايزونسينا موقف الفاروق عمر لما شخص راح يشكو إليه ان زوجته بترفع صوتها عليه ولما طرق باب عمر سمع صوت زوجت عمر بترفع صوتها على عمر  نفسه فالرجل مشى فتح الباب عمر وقاله ياهذا أجئتنى لشئ قاله جئتك أشكو إليك زوجتى ترفع صوتها علي فوجدت نفس الحال عندك سيدنا عمر قاله ايه  قاله "انها تربى وتسهر و تتعب متطوعة بدون أن تؤمَر بشئ أولن احملها علي "ياااااااااااه ياعمر يا من يخشاك الجان أتترك زوجتك ترفع صوتها عليك !؟- في ناس تيجي تقولى يعني انت عايز زوجاتنا والبنات ترفع صوتها علينا يعني هقلك لسة مفهمتنيش اسمع لالي جاي

*-كم واحد حافظ القرآن الكريم هتقولى انا حافظة طب كم واحد فاهمه صح تعرف ايه عن " إن كل شئ خلقناه بقدر وما امرنا إلا واحدة كلمح بالبصر 

"الجملة دي أعظم شئ اتعلمته في الكلية نتيجة دراسة 4 سنين ان الأمور نسبيات مافيش صفات مطلقة الصفات المطلقة الوحيدة بينفرد بيها الله إذا كانت حميدة وينفرد بها الشيطان إذا كانت زميمة أما الباقي فهو خليط ما بين أسود وأبيض مابين عيش وتعايش-الانسان بيتكون من 3 أجزاء أعلاها الرأس وأسفلها عضوه التناسلى ( نصك التحتانى ) وبينهم البدن أو البطن-احنا مجتمعا علمنا اننا نهتم بال 3 أجزاء ولكن كان إهتمام خطأ بل حتى الخطأ كان فيه عنصرية-اتعلمنا اننا نهتم بالرأس عن طريق التدخين والمخدرات ونكيف الرأس صح. حتى دا مباح للذكور دون الإناث حتى الأخطاء اللي المفروض خطا بالنسبة 

للجميع بنقرره للذكور دون الإناث

.-واتعلمنا نهتم بالبدن عن طريق الأكل وبس

-واتعلمنا اننا نهتم بالنص التحتانى عن طريق : 

      1- المعاشرة الباردة للمتزوجين وانها حق مطلق ومشروع للزوج دون الزوجة     

      2-  لغير المتزوجن عن طريق الوسائل غير المشروعة سواء كانت زنا او هتك اعراض ، تحرش واخيرا افلام الدعارة (للمؤدبين فقط) اه افلام الدعارة دلوقتي للمؤدبين بس لأن اللي انتى متعرفهوش ان معظم الشباب دلوقتي بيمارسوا الزنا  كمان

*-لكن لو بصينا اننا نهتم بال3 اجزاء دول صح هنلاقي الآتى   

  1- الرأس نهتم بيها عن طيرق العلم " اول آية في القرآن (أقرأ)" كم واحد فينا قرأ كم كتاب وعن أيه عشان متقوليش نبيل فاروق 

وأفتكر ان دي كمان فيه عنصرية ان اماكن كتيرة لحد دلوقتي في الجمهورية مش بتعلم البنات ولو علمتهن مش بيسبوهن لحد الليسانس أو الدكتوراه    

  2- البدن "وعلموا أولادكم السباحة والرماية وركوب الخيل"(الرياضة يعني ) ودي كمان فيها عنصرية(مقلش علموا ذكوركم قال " أولادكم ودي عائدة على الذكور والإناث معا") مع انك لو روحت نادى هتلاقي معظم اللي بيلعبوا رياضة من الذكور هاتلى كم جيم للذكور وكم جيم للإناث   

  3- نصك التحتانى     

       أ-للمتزوجين نفهم كويس  " هن متاع لكم وانتم متاع لهن "  " هن لباس لكم وأنتم لباس لهن " لان الجنس لقاء وليس لقاح أكرر تانى انتم متاع لهن يعني مش حقك لوحدك ياحلو هل انت فعلا متاع لزوجتك طيب   

         ب- بالنسبة لغير المتزوجين كم واحد فينا صام عشان يحفظ نفسه "واللذين هم لفروجهم حافظون" (والفرج هو العضو التناسلى) كم واحد فينا عفيف يارجالة

*- شوفتوا ازاى نقدر نهتم بال 3 اجزاء صح

*-مشكلتنا اننا اتربينا غلط في مجتمع شرقى لايعرف معنى الشرقية ومجتمع مسلم لايعرف شئ عن الاسلام-اتربينا في مجتمع ذكورى الرجل هو الأول والآخر والآمر والناهى-اتربينا على ان الولد يتربى في الشارع والبنت تتربى في البيت على اساس ان البنت عمرها ما هتفتح باب الشقة وتنزل دي حتى لو وقفت في البلكونة 5 دقائق هتسمع ألفاظ عمرها ما سمعتها (بإعتبارها عمرها ما خرجت) وبالتالى مش هتعرف تتعامل ازاى مع الألفاظ دي

*- اتربينا غلط يا شباب وجه الوقت اللى نربى نفسينا بنفسينا

• اعتذار شديد اللهجة لآبائنا

 

يسمح لكم بنقل الموضوع بشرط ذكر المصدر : اتربينا غلط يا شباب | صوت العقل والفكر الحر

 

ساهم في نشر الموضوع ولك جزيل الشكر !

أضف تعليقك عن طريق الفيسبوك :